AL-Gedicht

S AL-Ämtli cha scho vill si,

Visionärin, Betreuer, e huufe Rolle sind drbi.

S AL-Läbe das isch kei Scheiss,

isch chlii komplizierter wie s 1x1.

Das macht aber dr Spass nit nichtig,

das wo dir möchet isch wichtig und richtig!

Mängi Sache die sind Pflicht,

drum gits jz do e chleises Merkgedicht.

Ahfoh duet dr ganzi Spass,

mit dr MiData-Bestandesmäldig, das isch krass.

MiData-Leiche willsch nit ha,

süscht glaub dis Abteiligsprotemonnaie dra.

D Lagererstellig duesch bitte in die richtigi Ebeni knalle,

dr Etoile machsch drbii en grosse Gfalle.

En Gfalle duesch dir sälber schänke,

wennd an d Zuekunftsplaanig duesch dänke.

Sigs e Nochfolg für d Matchefin,

oder luege, dass alli für d Kürs ahgmolde sin.

Das isch en Teil vo dine Pflichte,

wie au Konflikt in de Stuefe schlichte.

E Glöcklifrosch willsch nit als Lagerleitig ha,

will wenn öpis passiert, glaubsch au du bizz dra.

So vill Rollehüet chasch du traage,

aber chumm, los eus mol en Blick übere Abteiligstellerrand wage.

Trampsch villicht mol in e Pfütze,

hesch ganz vill Lüüt, wo di chönne stütze.

Ob Eltererot, BezL, Coach oder die Alte,

Sie alli chönne dir hälfe bim Walte.

Und falls di mol frogsch, was en Coach so macht,

ziehsch am beste d Betreuigsverihbarig in Betracht.

Falls ihr mol überforderet siiiiiiiiin,

denn gits e Telefon ans Kriseteam

Das tönt nacheme Wald voll Sache,

Sorge muesch dir aber keini mache.

S AL-Weekend söll dir nütze,

zum dini Abteilig z’unterstütze.

D Leitig chunnt zu dir mit villne Frooge,

und vergisst ammigs, di z’loobe.

Drum säge mir dir: du bisch fantastisch, ville Dank!

Vrbii isch euse AL-Weekend-Bank.